تانى حلقة من حلقات على القهوة عن حب النت

ده حب فاشل و مش بيدوم والشباب والبنات الاتنين كل كلامهم كذب في كذب ده وجهة نظري

تسلمي ياجميل توبيك جامد

بصي من وجهة نظري انهم يتعرفوا عن طريق النت
وكده ده هيبقى لعب عيال وملوش لازمه ووجع دماغ لكن لو كان النت ده بس وسيله يعني هوه عارفها وهيه عرفاه يبقى عادي ومينطبقش عليه مفهوم حب النت لكن حب النت
مش بينجح وبينتهي بسرعه
وميرسي على التوبيك

كيوت جيرل اتفق معاكى فى ان كل من البنت والولد
بيكدبو على بعض فى كل حاجه وده مشكله كبيييره
وبعدين اكييييد الكلام ده عمره ما يستمر وهتبقى نهايته
الفشل ونورتينىىى برايك ومرورك يا عسل

برينسس فعلا هو لعب عيال وبعدين انا عوزه اعرف
حاجه ازاى البنت او الولد يحب كل واحد منهم التانى
من غير ما يشوفو بعض او يقعدو مع بعض ازاى اى حد يحب
حد مش يعرفه امال بيحبو بعض على اساس ايه
انهم كتبو لبعض شات وفى الاخر كل كلامهم بيكون كدب
فعلا ده مشكله كبيييييييره من وجهة نظرى ومع وجود النت
فى كل البيوت بقت منتشره جداااااااااا
نورتينى بمرورك ورايك يا سكر

الموضوع طبعا مينفعش

لأن الواحد شخصيته مش بتظهر بالكتابه

ده ممكن يكون بس احترام اعجاب تعلق بس مش لدرجة حب

واكيد هو حب فاشل

ونادرا ما يكون حقيقي

لكن محدش ينكر ان في ناس اتجوزت من النت

صحيح شخصية الانسان مش بتظر بالكتابه
واللى على النت اكبر حاجه تكون صداقه لكن حب بيتهيألى
مش ممكن لكن بالنسبه لحكاية الجواز على النت ده صعبه شويه
لان احنا بنقول مش ينفع حب النت تقومى تقوليلى جواز
ونورتينىىى برأيك ومرورك اكيييد يا قمر

والله في وحصل الموضوع ده اكتر من مره

وعلى العموم الحياه ارااااء

بصراحة حب النت موضوع فاشل اخر حاجة

بصي اللي بيتجوزوا بالطريقه دي اصلا بيكونوا عارفين بعض
والنت ده بس وسيله لانهم يقربوا من بعض
لكن متقوليليش واحد لا شاف واحده ولا عرفها غير مره من بعيد مثلا وقعدوا على النت يتحاوروا وهيه تطلع كل الحلو اللي فيها
وهوه يطلع كل الرجوله اللي فيه وكله بيكون كلام لازم يعرفوا بعض عشان يبقى النت وسيله للتقرب اكتر بس
وفيه ناس بتتجوز كده ايه المانع بس يبقوا عارفين اخلاق بعض
صفات بعض كده

بصراحة نونا قالت كل اللى كنت عاوز اقولة
وفعلا فية ناس كتير اتجوزت من النت وعايشين احسن من ناس كتير
وربنا يوفق الجميع يارب

احنا اجتمعنا على فشله نسبيا مش عالطول لكن غالبا لاسباب وهيه انه مبنى على الكذب
وكل من البنت والولد بيبقو مش صادقين مع بعض فى اغلب الحالات
وكمان انا وجهة نظرى ان النت ممكن وسيلة تواصل لاتنين يعرفو بعض اصلا
زيه زى الموبايل وهكذا اما نقطة الجواز ايه المانع فيها لو هما يعرفو بعض اصلا
والنت وسيلة تواصل بينهم وصحيح كتير من الحب العادى فاشل لكن مع اختلاف انه
دول بيفشلو بسبب الاختلاف فى الاراء لكن عرفين شخصيات بعض
لكن راى صعب تعرفى شخصية حد من الكتابه معاه لان الشخصية بتظر من
التعام لمع الانسان وطبعااا نورتىىى التووبيك يا نونا انتى وهعيش حياتى ومرسىىى لارائكم