اول حلقة من حلقات القهوة

مراااااااااحب على احلى بنات وشباب

جايبين لكم انهرده موضوع حلو

وبيتكلم عن الفرق بين الولد والبنت زمان ودلوقتي
.......................................

يسألها..إنتى مخطوبة؟
زمان:- لسه ربنا مأذنش,وعينها فى الأرض ووشها يحمر.
دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت

دخوال الاب الى البيت
زمان:-
يسمعوا بس صوت باباهم من بعيد كله يقوم مرعوب واللى فى ايده حاجة يسيبها
ويستقبلوا باباهم على الباب ولو معاه حاجة يشيلوها عنه.
دلوقتى:-
الولد قاعد قدام الكمبيوتر او بيتفرج على ماتش كورة ، البنت بتتكلم فى
التليفون (مش فاضيين يعملوا ايه !!) الاب على الباب بيخبط (مع العلم ان
الاب ليه خبطة مميزة يعني عارفين انه اللى على الباب)
الاب
خبط مرة واتنين ويرن الجرس فين وفين البنت اخدت بالها ان فى حد بيخبط,,انت
يابني متسيب اللي في ايدك ده وتروح تفتح لبابا,,يرد الاخ نعم هاخد اوامر
منك اظن؟؟؟ ما تقومي انتى ياختي بدل الرغي اللى مالوش لازمة,,ترد نعم؟؟على
الاقل انا بتكلم فى التليفون اقول ايه لصاحبتي يعني ؟؟انما انت مبتعملش
حاجة ماتقوم انت ولا انت لازم تمارس دور راجل البيت وخلاص؟؟يرد ماتعدلي
كلامك معايا انا اخوكي والولد هنا وكلامي لازم يتسمع...ترد على العموم
بابا معاه مفتاح وتلاقيه شوية وهيفتح بيه ولا الحوجة ليك يا اخوياب البيت.

*نزول الولد لشراء احتياجات البيت

زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
دلوقتي:-
الام يطلع عينها من التحايل على الولد ينزل يجيب حاجة من البقال اللي
جنبهم حتى يرد ما تخلي فلانة تنزل ماهي قاعدة ما بتعملش حاجة.الام تقوله
يابني اختك المفروض ماتنزلش كتير ديه مهما كانت بنت والوقت متاخر.بنت يعني
ايه؟؟العو هياكلها مثلا؟ ولا الاشكيف مستنيها؟؟ديه بنتك تخوف بلد يابني
انت المفروض راجل البيت..يرد وانتوا خليتوا فيها راجل مش طالبتم
بالمساواة؟يالا اشربوا عشان تبقوا تقولوا الراجل زى الست.هى فى حاجات
وحاجات لأ يعني؟؟حاجة غريبة اوي!!!

*نزول المرأة للعمل

زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي:-
منه لله قاسم امين .هو اللى بهدلنا. هو اللى نزلنا الشغل و خلانا نتبهدل .
انا ايه اللى يخليني انزل واتبهدل فى المواصلات كده,, مش لو كنا قاعدين فى
بيوتنا كان يبقى اكرم لنا ؟؟!!!!

يلا عوزين نعرف رأيكم فى اول حلقة
وعوزين نشوف تعليكتكم ونقدكم

زائر

ههههههههههههههههههه

كلام جماد اوي

تسلم ايديك
نووووووووووووورتى التوبيك

زائر

هههههههههههههههه
فعلا كلام منطقى جداااا وبيحصل كتيرررررررر
تسلم ايدك

نوووووووووووووووووووووووووورتى التوبيك
تسلم ايديك

» تانى حلقة من حلقات على القهوة عن حب النت
» مسلسل الكبير اوى 15 حلقة وانتظروا الجزء التانى
» اجمل حلقات توم اند جيري
» حلقات ملك الرومانسية اسامة منير 2008
» حصريا حلقات كارتون الاكشن المثير الفتى استرو Astro Boy - نسخ DvdRip مدبلجة للعربية - مساحات صغيرة وتحميل صاروخى