ارخم بنت في العالم .......

قرر واحد حبيب اته يعزم حبيبته علي الغدا و يا ريته ما عمل لان البنت دي لا بيعجبها العجب و لا الصيام في رجب و شوفوا الحوار و احكموا بنفسكوا
هو \ تطلبي ايه ؟
هي \ مش عارفة انت هتطلب ايه؟
هو \ انا هطلب بيتزا
هي \ ماشي و انا كمان
هو \ طيب
هي \ ولا اقولك بلاش
هو \ ليه عايزة حاجة تانية
هي \ لأ مش عارفة
هو \ انتي جعانة
هي \ اممم مش عارفة
هو \ يعني ايه مش عارفة اكيد الواحد بيعرف هو جعان و لا لأ
هي \ نص نص
هو \ يعني اطلبلك معايا
هي \ لأ
هو \ خلاص
هي \ ولا اقولك يمكن اجوع كمان شوية
هو \ خلاص هاطلبلك و علي بال ما ييجي الاكل تكوني جوعتي
هي \ طيب افرض لما ييجي الاكل اكون لسه ما جوعتش
هو \ خلاص خلي الاكل قدامك و لما تجوعي ابقي كلي
هي \ ما كده الاكل هيبرد
هو \ خلاص نطلب اكل تاني
هي \ بس كده يبقي تبذير
هو \ تبقي ناخد الاكل معانا تيك اواي و نبقي ناكله بعدين
هي \ طب افرض ما كانش ليا نفس للبيتزا بعدين
هو\ خلاص هابقي اكلها انا
هي \ و انا ما اكلش
هو \ جننتيني يعني اطلبلك و لا بلاش
هي \ بلاش احسن
هو \ خلاص انا هاطلب لنفسي علشان انا جوعت جدا
هي \ ماشي , بس اطلب البيتزا بالتونة
هو \ بس انا ما بحبش البيتزا بالتونة
هي \ بس انا اللي بحبها
هو \ بس انا اللي هاكلها
هي \ ما يمكن لمت ييجي الاكل اكون جوعت و اكل معاك
هو \ هو انتي عاوزة ناكلي و لا لأ
هي \ احتمال
هو \ يعني انا لازم اطلب البيتزا بالتونة علشان انتي ( احتمال ) تاكلي معايا
هي \ ايوه بالظبط
هو \ طيب لو انتي جوعتي و اكلتي البيتزا بتاعتي انا هاكل ايه
هي \ ما انا ممكن ما اكلش اصلا معاك
هو \ رحمتك يا رب
هي \ مالك في ايه
هو \ يعني دلوقتي انتي لو ما اكلتيش انا هاكل حاجة مش بحبها
هي \ يعني انت تاكل و انا ما اكلش
ههههههههههه انا لما قريتها اتخنقت من رخامة البنت دي و احب احيي حبيبها ده لان عنده صبر ايوب لان دي لو كانت خطيبتي كنت قلتلها انتي طالق من قبل ما اتجوزك ههههههههه اقروها و قولولي رايكوا

هههههههههههههههههههههههههه
لا جامده بس صراحه
البت دي رخمه اووووووووووووي
بجد بايخه اوي مع اني بنت بس لو مكانه
كان ممكن اموتها
بجد حلو التوبيك تسلمي

هههههههههههههههههههههههههههههه
الرخامه ادب مش هز كتاف
والرخامه ليها اهلها بردوا
هههههههههه
تسلم ايديك بس بصراحه
فعلا خطيبها ده يستاهل كل خير على صبره عليها

هههههههههههههههههههههههه لا البنت فعلا طلعت رخمة انا لو كنت مكانه كان زماني قتلتها ههههههههههههههه

::priencess:: كتب:

هههههههههههههههههههههههههه
لا جامده بس صراحه
البت دي رخمه اووووووووووووي
بجد بايخه اوي مع اني بنت بس لو مكانه
كان ممكن اموتها
بجد حلو التوبيك تسلمي

شكرا يا برنسس

..White Angel.. كتب:

هههههههههههههههههههههههههههههه
الرخامه ادب مش هز كتاف
والرخامه ليها اهلها بردوا
هههههههههه
تسلم ايديك بس بصراحه
فعلا خطيبها ده يستاهل كل خير على صبره عليها

شكرا يا ويت

yoyo كتب:

هههههههههههههههههههههههه لا البنت فعلا طلعت رخمة انا لو كنت مكانه كان زماني قتلتها ههههههههههههههه

شكرا يا يويو

شكرا ليكم كلكم

ههههههههههههه
زمانه قال اخر مره