[ندعوك للتسجيل في المنتدى أو التعريف بنفسك لمعاينة هذه الصورة][size=24]في البدايه اللي قرا موضوعي قبل كده اللي كان بعنوان(اول مره)
هيحس ان الموضوع ده مشابه ليه
اااااااااه الاثنين بحاول فيهم افهم ليه بلدنا بقت كده
وليه الناس بقوا كده
وليه حالنا بقى ميسرش عدو او حبيب
ليه مصر بقت بتصعب على الناس دلوقتي بعد ما كنا احنا دايما المثل اللي بيدوه
اللي هيقرا الموضوع ده والموضوع الاولاني والمواضيع اللي جايه الكتير هيقدر يفهم معنى
(يا ريت ترجع مصر وشعبها زي الاول زي ما كانوا)/size]
يقال إن87%من الشعب المصرى ساخطون على الحكومة المصرية ... ما تعليقك ؟ــ ال 13% الباقيين معاهم جنسيات أخرى .
# تقرير :45% من الشعب المصرى مصابون بمرض السكر ما تعليقك ؟ــ آدى اللى خدناه من" الحلوانى " اللى بنى مصر .
# ما أهم مظاهر الفهلوة عند المصريين ؟ــ انهم يشكون فى الشحات ولا يشكون فى النصاب .
# ليه الحزب الوطنى بيعمل اعلانات لنفسه مع ان البلد كلها بتاعته ؟عادي زى ما شبكة الأوربت بتعمل اعلانات لنفسها على شاشة الأوربت .
# ما الفرق الأهم بين مصر وأمريكا ؟ــ الفرق الأهم ان عائد السياحة من الهرم المزيف الموجود فى لاس فيجاس مئة ضعف عائد السياحة من الهرم الحقيقى .
# ما أهم قاعدة موجودة فى مصر ؟ــ ان مفيش قاعدة لأى حاجة بنمشي عليها
# لماذا يطلق المصريون على زوجاتهم لقب " الحكومة "؟ــ لصعوبة تغييرها مهما تسببت فى كوارث .
# أين يمكنك أن تلاحظ سوء نية المصريين ؟ــ عندما يغنون للطفل البرىءبمنتهى الخبث قائلين .... يارب يا ربنا " تكبر وتبقى زينا .
# امتى بتحس ان البلد حلوة ؟ــ ما باحسش ان بلدنا حلوة غير لما داليدا تقول : " حلوة يا بلدى "(بغض النظر انها قالتها وانتحرت)
# امتى هناكل جوافة من انتاج مزارع توشكى ؟ــ لما نلاقى المشمش!!!!!
# ما العلاقة بين عصام الحضرى وسمن روابى ؟ــ الطعم فلاحى وتحدى .
# هل لك أقارب استشهدوا فى الحرب ؟ــ لأ عندى أقارب استشهدوا فى السلام ..... " السلام 98" .
# 60 % من الرجال المصريين يشخرون وهم نائمون ...... ما تعليقك ؟ــ ال 40 % الباقيين بيشخُرووا وهما صاحيين .
# ما الدليل على أن مصر بلد الامان ؟ــ الدليل ان الواحد بيتردد كتير قبل ما يدخل أى قسم شرطة .
# ايه الكلمة اللى ما بتحبش تسمعها وانت فى أوضة العمليات ؟يااااااااااااا خسااااااااااااااره
# ما الفرق بين الزوجة المصرية والزوجة اللبنانية ؟ــ 0 4 كيلو جرام على الأقل .(ولا بنرضى حتى باللي في ايدينا )
# بماذا ستجيب كمصرى عند سؤالك عن عمرك فيما أفنيته بعد عمر طويل ؟ــ أفنيته فى اشارة قصر النيل مستنيها تفتح ، وفى صلاح سالم مستنيه يتحرك ، وعلى كوبرى أكتوبر مستنى لما رئيس الوزراء يروح .
# من المستفيد من الزحام الذى يسيطر على شوارع القاهرة ؟ــ شركات المحمول ، كله واقف فى الاشارة ماسك الموبايل ، بيخلص شغل أو
بيعتذر عن التأخير أو بيسلى نفسه على الأقل ، وبالتالى تعتبر الادارة
العامة للمرور هى المستفيد الثانى " مخالفات استخدام المحمول أثناء
القيادة ".
المستفيد الثالث هى الشركة الشرقية للدخان حيث يتزايد معدل الحرق على سبيل " التنفيث " .
المستفيد الرابع هو الهيئة العامة للبترول حيث يتزايد حرق البنزين على
الفاضى اثناء الوقوف وهو الأمر الذى يبرر اختفاء البنزين من المحطات
وبالتالى يصبح المستفيد الخامس هم أطباء الأمراض الصدرية .
المستفيد السادس المعلنون على اذاعة نجوم fm
وبالتالى يصبح المستفيد السابع الشركة المصنعة للأدوية المهدئة بالتساوى مع صيدليات على على .
## ليه بيقدموا الساعة ساعة عندنا فى الصيف ؟ــ علشان مصر تتقدم بينا .( على اساس ان الساعه دي قدموها في ماتش السودان وو صلنا كاس عالم يعني)
### لماذا يقال عن الشعب المصرى انه شعب فوضوى ؟ــ علشان بيكره "النظام
ليه في البرامج الاجتماعيه والتعليميه(البايخه واللي محدش بيتفرج عليها) بيقولوا ان الشباب المصري بايظ او بمعني اكثؤ (جنتله) شباب فرفور؟؟؟؟؟عشان تفكيرهم (طبعا اللي بيتكلموا في البرامج دي) منطقي جدا.
ليه بقالنا اكتر من عشرين سنه مش عارفين نجيب فرقه من 11 لعيب يوصلنا كاس العالم؟؟؟؟عشان كل المصريين عايزين يوصلوا كاس عالم الا (اتحاد الكوسه)قصدي الكوره بايدهم كل حاجه.
ليه موصلناش كاس العالم السنه دي وعندنا احسن لعيبه في القاره؟؟؟عشان وللاسف لاعبنا اجانب(مش من القاره يعني)
ليه نادي الزمالك مكانش بياخد بطولات وكان بيخسر وفجاه كده بقى طايح في الكل ومحدش عارف يوقفه؟عشان طبيعة الانسان المصري
لما بيحب بيحب بهبل.(جماهير الزمالك حبته)
حلوه طبيعة الانسان المصري دي
ليه الشباب في مصر يحب قبل جوازه يصاحب بنات ولما يتجوز يتجوز واحده متعرفش حد قبله؟؟؟طمع بقى ربنا يبعده عنكم
ليه موضوعي ده ملهوش لزمه؟ عشان طبيعة الانسان المصري( فاكرينها)
انه يسمع ويكبر
يـــــــــــــــــــــــــــــــــــــــــا رب يعجبكـــــــــــــــــــــــــــــــــــــــــم
مع تحيـــــــــــــــــــــــــــــــــــــــــــــــــــــاتــــــــــــــــــــــــــــــي
الخميس مارس 04, 2010 4:16 pm
