--------------------------------------------------------------------------------
نفسى اخاصمك
لاجل اصالحك
ياللى علمتنى اسامحك
بالمشاعر والمحبة
حبة .. حبة
أبنى صرحك
واكتبك أجمل قصيده
لما طاب للقلب مدحك
نفسى اكون
فى سطور حياتك
أجمل العناوين لفرحك
وبسنينى, وبحنينى
حتى قبل ماتنادينى
أبقى ضلك وقت جرحك
ياللى تكوينى ف ملامحك
نفسى اخاصمك
لاجل اصالحك
كل ذنبى
إنى ماعرفتش أخبى
كنت تايه قبل منك
والتقيتك
نور منور ليا دربى
واما عن عينى تغيب
ألتقيك ساكن فى قلبى
ساكن فى عقلى
وف كيانى
مهما أوصف معنى حبى
مش هاتسعفنى المعانى
دى المعانى ساكنه إسمك
والجمال .. من وحى رسمك
نفسى أبقى أمان لخوفك
لما تقسى عليك ظروفك
تحضنك باللهفه.. عينى
تستخبى جوه قلبى
لاجل انا.. بس اللى اشوفك
الجمعة يناير 15, 2010 3:56 pm
