كيف تصبح بلطجي ؟؟؟

كيف تصبحــ / ـــى بلطجيــ / ــيه

[size=16]سؤال مهم يدور فى أذهان بعض ممن تستهويهم هذه الهوايه

كيف أصبح بلطجى ؟؟

ولماذا؟؟

وماهو السن المناسب لآحتراف البلطجه ؟؟

؟

تعالوا معنا لنغوص فى عالم البلطجه ونتعرف ألى خباياه الدفينه واسراره المكينه

لماذا أصبح بلطجى ؟؟

الجواب معروف فالبلطجه هى الوسيله الوحيده للبطش بخلق الله والحصول على ممتلكاتهم الشخصيه ( ساعه _ موبايل _ أى بود .... ألخ )

وهى الوسيله المثلى لكى تصبح ( سيطره ) و ( واد جامد أوى ) بين أصدقائك
ويصبح حينها الكبير والصغير يخاف منك و ( يعملك ألف حساب ) وتصبح ذا هيبه بين البشريه

أيضا هى الطريق الوحيد أمام بعض الشباب لمحاربه الأكتئاب الناجم عن البطاله والأرق فبسببها يظل الشاب ف الشارع أربعه وعشرون ساعه ينتظر أى ضحيه أو فريسه ماره ليقوم بتثبيتها وأخذ متعلقاتها الشخصيه فيخفف التوتر الناجم من البطاله وحاله الزهق والملل (من القعده ف البيت )

أيضا هى وسيله للأنتفاع المادى فلقد أسبتت الفحوصات والأحصائيات أن 95 % من البلطجيه يقومون (بالصرف على بيوتهم وعيالهم فقط من البلطجه ) وليس لهم أى وظيفه أخرى وأكدت أن ( مكسب الشغلانه دى كويس ) حيث أتضح أن نسبه كبيره منهم قاموا بأدخال أطفالهم فى مدارس خاصه الكثير منهم مشترك فى نادى الجزيره

ماهو السن المناسب للبلطجه ؟؟

تبدأ البلطجه عند بعض الأشخاص فى سن مبكره جدا حيث بدأت عند بعض الأطفال فى سن الرضاعه وبدايه النطق
فيقوم الطفل بالبلطجه على والدته بالصراخ وسط المنزل كالمجنون طلبا للكثير من اللبن

وحين ترفض الوالده يبدا بالصراخ الجنونى وفك لزقه البامبرز هادفا لزروطه الدنيا

ويبدأها البعض فى سن المدرسه حين يكتشف انها الطريقه الوحيده للحصول على سندوتشات أصدقائه ف المدرسه

وزمزمياتهم ولايتوقف عندها بل يقوم بالبلطجه على مدرسته ومدرسه وناظر المدرسه بل والمفتش اللذى يقوم بالمرور على الفصول

وتظهر أيضا بعض أعراض البلطجه عند معظم الشباب فى سن كبير( من 20 وأنت طالع ) لفك حاله الملل نتيجه للبطاله وهذا يعتبر السن القانونى لممارسه البلطجه فحينها يصبح الشاب راشدا وقد أكتسب من الحياه الخبره اللازمه التى تمكنه من أختيار الضحيه المناسبه وطريقه تثبيتها وأيضا حينها يكون الشاب على أتم الأستعداد لممارسه البلطجه بعيدا عن ضغوط الأسره والبيئه المحيطه بها حيث يطالب بان ينفق على نفسه وتقال له الكلمه الشهيره ( أنت بقيت راجل وشنبك خط على وشك ولسه جاى تاخد منى مصروف )

أثبتت الأحصائيات أن نسبه اللذين يمارسون البلطجه فوق سن الخمسين لا تتعدى ال 5% حيث يكون الأنسان فى هذا السن قد ركبه المرض

ولم يعد قادرا على البلطجه ومضايقه خلق الله ولكن يلجأ أليها بعض المسنون للخروج من حاله الملل والزهق بعد خروجهم على المعاش ولكن تعتبر بلطجتهم قانونيا بلطجه خفيفه وغير مؤذيه فلو ذهبت للقسم للأبلاغ عنه سيقول لك الضابط ( داه راجل عنده 90 سنه ورجلوا والقبر عايزنا نبهدلوا ؟ .. دانتا لو كحيت ف وشه هاتموته )

كيف أصبح بلطجيــ / ـيه

صوتك العالى دليل على قوه موقفك

هذا هو أول مبدأ من مبادىء البلطجه فالبلطجى يجب أن يتمتع بحنجره قويه وصوت خشن

ليبعث الهيبه وصوته العالى وجعيره دائما دليلا على قوه موقفه وقوه ذراعه وقوه كل حاجه

الحفاظ على المنطقه

لكل بلطجى منطقه معينه يشتهر بها ويصبح ذا هيبه وسط أهلها ومن يفرط فى منطقته

(يا ويله ويا سواد ليله ) يصل الحد بأذلاله عند البلطجيه لأركابه الحمار بالشقلوب

البلطجه فن ومهاره

يظن البعد ان البلطجه مجرد مهنه ولكن ف الحقيقه هى فن ومهاره ولعب وحرفنه فالبلطجى التمام هو من يتقن جميع فنونها

البلطجه عند البنات والستات

تمارس أغلب النساء نظام البلطجه فى منازلهم عن طريق تثبيت الزوج وهو داخل المنزل وتخليصه من كل المتعلقات الشخصيه متل الأموال وغيرها خوفا على صحته وايضا تصل لتخليصه من رصيد الهاتف المحمول وما ألى ذالك وهى بلطجه صحيه وليس لها أى علاقه بوفيات أغلب الرجال عند سن صغير

وأيضا تقوم بعض النساء بأنشاء منظمات تضم كتيرا من العضوات أى البلطجيات ليقمن ببحث خطط جديده لحمايه الرجال من بعض الأمور الغير صحيه مثل السيطره على أمور المنزل وتحكم بعض الأزواج بزوجاتهم

الرائدات من النساء فى البلطجه وأول البلطجيات ف التاريج أمرأتان كانا يدعيا ريا

وسكينه ولكن كانا يتكتمان على أمورهم خوفا من الحسد

حتى تم القبض عليهم وتقديمهم لمحاكمه عادله

أدوات البلطجه

تختلف ادوات البلطجه من بيئه لأخرى ولكن مجملا هى المطواه ( ويستحسن تكون قرن غزال ) سنجه , بلطه , شومه أو أى آداه حاده من الممكن ان تستخدم لأرهاب المواطنين

أى معاومات أخرى انا على أتم الأستعداد لأعطاء دروس مجانيه (لوجه الله كده )

لتخريج أفضل الطلاب من مدرسه البلطجه

يرجى مراسلتى على البريد الألكترونى

blta_ge .com

ولدينا أيضا خدمه توصيل الطلبات للمنازل مع أحدث تشكيله من أدوات البلطجه

سعر الشحن ثابت أينما كنت

يالا خلث الموضوع اللى هيقول عاجبه يبقى صاحبى الأنتيخ وأخويا وأبن خالتى كمان

وأللى هيقول موش عاجبه يبقى ياويله ياسواد ليله

هأعصره وأنزل منه أعضاء جدد

حد ليه شوق ف حاجه

أنت ياض تعالى هنا ورينى اللى شايلوا ده

[/size]

هههههههههههههههههههههههههه

انا مش عجبنى الموضوع خلاص لان الكلام الى

فية مش حقبقى خلاص

كلام وبس

اولا ده رايك انتاهم حاجة انه عجبني جدا
ثانيا ده اكييييييييييييييد مش حقيقي لانه في قسم الفكاهة والمرح يعني هزار
مرسىىىىى على دوقك

زائر

ههههههههههههههههههههه
يخرب عقلك يا نور
لزييييييييييييييز موت والله
فطست ضحك على نفسي
تسلمي يا عمري
وتسلم ايدك

زائر

ههههههههههههههههههههه يااااااااااااانوور ياجااامد بجد توبيك جميل وبلطجى ااااااااااااخر حاجه وبلطج برحتك ياعم ولا يهمك تسلم الايادى ياعسل

ههههههههههههههههههههه
يخرب عقلك يا نور
لزييييييييييييييز موت والله
فطست ضحك على نفسي
تسلمي يا عمري
وتسلم ايدك

اهم حاجة انه يعجبك يا لميس بس بلاش تخربي عقلي انا لسه صغنونة

تسلمي يا منار نورتي التوبيك يا قمرايه

ده بلطجى
بلطجى