بالفيديو .. عصام عبد الفتاح الحكم تغاضى عن ضربتي جزاء لصالح الزمالك

ميرسي على المتابعه الحلوه
تسلم ايدك
والمتابعه جامده عشان بفيديوهات بحب انا الحكايه دي
وعلى فكره بغض النظر عن الضربات
مين قالك عصام عبد الفتاح اهلاوي
يعني ايه اللي ياكد
وميرسي تاني على المتابعه

جاااااااااااااااااااااااامد الموضوع وحسبي الله ونعم الوكيل فيهم

اولا طبعا انا بحترم وجهة نظرك وبحترم جدا جدا الفيديوهات اللي انتي جايباها
ويا ريت تخلي بالك من كلمة (بحترمها)عشان انا مش بعترض عليا خالص ومليش دعوه بيها عشان مش ده المهم.


ثانيا بقى مشكلتنا في الرياضه كشعب مصري عامتا ان احنا مش بنقبل الهزيمه خااااالص (باعتبار يعني ان الفرق الكبيره زي الزمالك التعادل عندها بطعم الهزيمه) .


ثالثا بقى انا بجد مستغربة جدا جدا جدا (واسفه على تكرار الكلمه)بس استغرابي هيموتني
بقى انتو سايبين اللي حصل في الماتش والمهازل اللي حصلت من جميع الاطراف وماسكيين في اغلاط الحكم
والله عيب علينا والله عيب سايبين المنظر والناس اللي في العالم اللي ممكن يكونوا متابعين ومنظرنا ازاي بقى وحش وماسكين في اغلاط الحكم وده بيبين بردو العقليه المصريه همكوا ان الزمالك اتعادل عشان اغلاط حكم
ومهمكمش شكل مصر قدام الناس بقى ازاي
بعد ما العالم كله شاف كباتن الزمالك بغض النظر عن الجمهور بتضرب وبتتخانق.


رابعا لكل الناس مش ليكم بس اغلاط الحكام زي ما الزمالك بيستفاد منها هوه بردو بيتضرر منها
وعلى فكره اتحاد الشرطه بيتعمله حساب اوي ومش انتو بس اللي اتعادلتوا معاه بسبب الحكام
السنه اللي فاتت على نفس الاستاد وتقريبا نفس التوقيت لعب الاهلي مع بردو اتحاد الشرطه
وكان الحكم المبجل جهاد جريشه هوه اللي بيحكم يومها طلعنا متعادلين 0/0ظلم ويومها بردو اتطرد لاعب كبير ظلم بردو اسمه محمد بركات من كباتن متخب مصر طردو جهاد جريشه واللي عصبني من بركات انه طالع بيسلم عليه من ادبه حتى معترضش بشكل غير لائق لا ده سلم عليه
وهنا الفرق يومها ضيع كابتن جهاد على الاهلي 5 ضربات جزاء صحاح وهدف صحيح محتسبش وطرد بركات من الدقيقه تقريبا 30 من الشوط الاول وخلص الاتش ومحصلش كده.


خامسا وجهة نظري ان اي حاجه حصلت من قبل الحكم متديش العذر للناس من جماهير ولاعبين وجهاز فني انهم يعملوا كده في الماتش عشان ده عيب
ومش هقولك الاهلي عشان متقوليش بتقول الاهلي ومش عارفه ايه
عندك ايرلاندا وفرنسا في تصفيات كاس العالم ايرلندا طلعت من الكاس بجون غلط لهنري
لمسة ايد كانت واضحه جدا
مشفناش الجمهور بيتعصب وبيكسر الكراسي ويرميها ولا الجهاز والاعيبه نزلوا يضربوافي منتخب فرنساعشان فاز ولا حاجه من دي
او تعالوا شوفوا اللي حصل في ماتش مانشستر وتشلسي والاغلاط اللي كانت فيه شفتوا الجماهير او الاعيبه او الجهاز عمل اللي حصل في ماتشنا المبجل لا طبعا لان دي عقليه .

سادس حاجه والاخير انا مبعترضش على ان ممكن يكون ليكم اغلاط من الحكم او انه مكانش على مستوى الماتش
لكن لازم النظره تكون موضوعيه شويه
مش نسيب المصيبه اللي حصلت ونمسك في الحكم
وبكرر تاني مهما عمل الحكم انشاالله تكونوا دخلتوا عشر اهداف ومحسبهاش مفيش حق يدي انهم يعملوا كده عشان ده عيب
والمصيبه انها مجتش من الجماهير بس لا
دي جت من اللاعبين وجهازهم الفني
عليه العوض ومنه العوض

واخر حاجه لو كانت هيه دي الرياضه وهوه دهالدوري وهيه دي المبادىء اللي اتخلينا عنها
فالدوري مش عايزينه والرياضه ملهاش لزمه بدل بالشكل ده

واسفه اني طولت بس حبيت اوريكم الحاجه اللي المفروض تتناقشوا فيها
وعلى فكره لو كان الاهلي اللي عمل كده وحصل ده من جماهير ولاعبي وجهاز الاهلي والله اني هكون اول المعترضين
عشان محدش يقول ان دي شماته او اني بقول كده عشان الزمالك

على فكره مش اتنين انا شفتهم على الفيس بوك 6 ضربات جزاء

عمر ما ابراهيم حسن هينزل يضرب ويتعصب اوي كده الا اذا كان في حاجه شخصيه وقويه تخليه يعمل كده

احنا هنعيدو الاهلي من اكتر الانديه اللي اتظلمت واتظلمنا كتير
السنه اللي فاتت في الدوري في ماتش الاتحاد الشرطه بردو اتفرجي عليه تاني
انتو بتتكلموا في ايه يا جماعه عييييييييييب والله عيب وعيب اللي بتعملوه ده انتي جايه دلوقتي تقولي ان لو الحكم ضيع على فرقه قرارات ممكن تفوزها انها تعمل ده
مع احترامي الشديد ده اسلوب همج والموضوع لو فضل كتير كده في الكوره المصريه هيبقى دوري همج وناس تعبانه ومحدش يتفرج عليه
وعلى فكره بقى لو عندك فعلا الادله والبراهين
جيبي ماتشات للاهلي الموسم ده فاز فيها بسبب التحكيم غير ماتش انبي
وانا ان شاء الله بعون الله هوريكي الحكام بيعملولنا ايه
ربنا يعين بجد
الناس في العالم كله بتستمتع بالكوره واحنا عاملينها حرب

بعدين انا واجعه نفسي ليه
انا اصلا اللي غلطانه عشان بقول الصح
يكسروا استاد القاهره
ولاعب يضرب الحكم ويوقع من ايده الكارت
ولاعيب يجري ورا واحد عشان يضربه
وحتى بينهم وبين بعض الجماهير بتضرب في بعضها
ويقولولي ردة فعل
عشت يا اهلي وعاش رجالتك