اشهر جمل بيقولوها الاب والام‏

ابوك دايما كان بيطلع الاول على الفصل .

* والله ما انت فالح .. وادي دقني أهه

* هو طول النهار قدام الزفت الكمبيوتر مش ممكن كده .

* ما تلزقش في التلفزيون كده .. نظرك هيضيع .

* يا ابني محدش هينفعك .

* قصة الغريق الكاذب اللي كل مره يقول الحقوني ... لحد

ما غرق بجد .

* ربنا يرزقك بعيل يوريك اللي ورتهوني .

* امشى جاتك مشش فى ركبك.

* ما تطلعش على الملايه النظيفه و رجليك متوسخه كده .

*أوعا حد يضحك عليك ويقولك جرب السيجارة دي.

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

* ما تلبسش القميص على اللحم زي العيال الصايعه .

* بلاش أكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .

* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* كل على مهلك .. وامضغ كويس ... وما تكلش وانت واقف .. وكل من قدامك ما
تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .
* صليت العصر ؟!

* ما تمشيش حافي في السقعة دي

* ما فيش مذاكرة على المزيكا وازاى.. بتذاكر و البتاع ده شغال جنبك .

* افرد ظهرك .

* ماتكلش فى ضوفرك.

* كنت فين لحد دلوقتى يا صايع.

* انا مش عارف انته طالع لمين.

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مابتخلص .

* ما تردش عليا .

* مش عايز اسمع صوت




بس الحق يتقال لو الواحد كان سمع الكلام كان نفع بدل ماهو

فااااااااااااااااااااااااااااشل كده

:lol: :lol: :lol: :D :D :D :D :) :) :) :)

* قوم اقرا لك كلمتين ينفعوك .

هههههههههه ميعديش يوم الا اما اسمع الكلمه دي

شكلك بتجربي الكلمات دي يا ميرنا هههههههههههههههههه
ميرسي يا قمر ونورتي التوبيك

ههههههههههههههههه وبتتقلنا كلنا يا بلو ايز ههههههههههههههه
ميرسي لمرورك نورتي التوبيك

ياااااااااااااااااااااااااه تقريبا معظم الكلام بنسمعه
تسلمى يا قمر على التوبيك الجميل ده

كل الكلام تقريبا بيتقال طبيعة الشعب المصري كده
وصراحه اكتر حاجه شدتني ودحكتني

ما تلبسش القميص على اللحم زي العيال الصايعه

هههههههههههههههههههههه
حلوه صراحه
تسلم ايدك توبيك لزيز

فعلا يا مي
يسلملي مرورك نورتي التوبيك

ههههههههههههه ماشي يا جميل
نورتي التوبيك