ابو تريكه خلص على انبي وعلى الماتش

أحبط محمد أبو تريكة نجم الأهلي أداء إنبي المتميز، وقاد الشياطين الحمر للفوز بنتيجة 2-1 في المرحلة الـ23 من الدوري الممتاز على ملعب المقاولون العرب.

فقد حول أبو تريكة تأخر الأهلي بهدف لأسامة رجب في الدقيقة 57، إلى فوز ثمين بهدفين سجلهما صانع ألعاب منتخب مصر في الدقيقتين 69 و80.

وابتعد الأهلي بقمة الدوري الممتاز ليصبح الفارق بين الفريق الأحمر والزمالك صاحب المركز الثاني ست نقاط، ولأبناء المدير الفني حسام البدري مباراة مؤجلة.

فيما توقف رصيد إنبي عند النقطة رقم 28 في المركز الـ11، من سبعة انتصارات وسبعة تعادلات للفريق البترولي.
بالتوفيق للاهلي
منقول
المصدر ::::::فيل جول

من وجهة نظري الماتش فنيا كان مش اوي جيد بس
الحكم كان سيء وده للامانه
وافتكر الحكم ده ميحكمش تاني
الماتش كان اكبر بكتير من طاقم الحكام ده
اما الاهلي مش في مستواه بس اداءا يستاهل الفوز لان فريق انبي اول ما دخل جوله
بدا يدافع ومخلى الاهلي يدخل فيه
غير الهديفين اللي متحسبوش بس الفرقه كانت تستاهل لولا الهدفين دول
عموما دي مش اول مره ومش هتكون اخر مره
والاهلي عانى الماتشات اللي فاتت والنهارده انبي عانى من الاهلي

اولالالالالالالالالا المطش دة ظلم ظلم ظلم
طول عمر الاهلى دة الحكم والفيفا والاتحاد معاة
دة كلة عشان ياخد الدورى ويبقى متصدر الدورى حلال عليكم بس ظلم
واصلا فريق كلة ماشى كدة انا اصلا كرهت المنتخب والكورة كلها بسبب الفريق دة

لا ياستى نونا بس مدايق من اللى بيحصل دة
اتحاد ولاعيبة وادارة
على الزمالك لو الزمالك كان فى الموقف دة
كانوا قلبوا الدنيا على الزمالك
بصراحة استفزاز اوى

بجد الاهلي ميستحقش الفوز والحكام ظلمه أوووووووي

أنا كان اهون عليا ان الاهلي يخسر ولا يفوز بالطريقة ده

بصو يا جماعه ارءكم كلها انا بحترمها وعلى عيني وعلى راسي
الاهلي وحش ايوه الاهلي وحش
الحكم كان زفت وضيع جونين على انبي تمااااام ومتفقه معاكم ومعنديش اختلاف
بس احنا كمان عانينا ما احنا اتعادلنا مع الحرس بجول غلط ومحدش عملنا حاجه يوميها الاتحاد كان مع الاهلي
خسرنا من الغزل بضربة جزاء غلط بردو وبرو محدش عملنا حاجه كان يوميها بردو الاتحادج مع الاهلي
دخلنا الموسم ده 4 اهداف تقريبا وكانوا كلهم صح ومحتسبوش بردو الاتحاد كان معانا
مع احترامي بغض النظر عن اني زعلانه ان مستوى الاهلي بقى كده
بس التحكيم مش للاهلي بس التحكيم زي ما ادى الاهلي كتييييييييييير ومن وجهة نظركم ادانا النهارده فوز مش صح
هوه بردو ظلم الاهلي كتير يعني يوم ليك ويوم عليك
بس بحاول افكركم ان احنا النهارده فزنا بغلط حكم
بردو خسرنا كتيييييييير اوي من اغلاط الحكام
نورتوني وطبعا اراءكم تحترم جدا

جتكم نيله انبي مرمطكوا

اة ماهو باين انكم اتظلمتوا صح اة
امال بقى انتم اتظلتم الزمالك بقى يعمل اية طول عمرة مظلوم من اى حد
سيبكم بقى من الكلام دة واعترفوا بقى انكم نادى اصلا ماشى كدة بالبركة والحظ

مع احترامي ليك على فكره
متخلوناش نفتح صفح اتقفلت الزمالك فاز الدور التاني على الاتحاد بهدف من اوله فاول
دخل جول في المقاولين وفاز بيه وهوه جول اوف سايد
فاز على الجونه والجونه ليهم ضربة جزاء اتحرم من الخساره من الاسماعيلي بعد ما الاسماعيلي دخل فيهم جول صح وابقى شوفوا عشان متقولش بنكذب يعني مش الاهلي بس اللي الحكام بتقف معاه وبعدين يا ريت تعرف تنكر ان الاهلي في ماطش الغزل وماتش الحرس اتظلم يا ريت ما نوقفش على ماتش النهارده
لان ده الماتش الوحيد تقريبا اللي حصل فيه كده
بعدين حضراتكم ركزتم على الجولين طيب ليه مركزتوش على اللاعب اللي داس على فضل والمفروض يطرد والمفروض دي تبقى ضربة جزاء
المشكله انكم بتشوفوا اللي انتم عايزين تشوفوه
ااراءكم انا محترماها
ولازم انكم تعرفوا ان الماتش ده زي ما احنا استفدنا منه روحوا واسالوا كام نادي في مصر استفاد بنفس الطريقه
وجه ده على حساب الاهلي

عالموم مش هتكلم كتير والف مبروك ليكم الفوز اللى مش مستحق دة
وربنا يوفقكم كمان وكمان بس مش بالظلم
تسلم ايديك على التوبيك

مستحق يا كبير
وميرسي على مرور الكل
ويا رب ما تشمت فينا حد
وترجع الاهلي متل ما كان
اكيد هنرجع ان شاء الله

يا جماعه احنا مش هنخلص بقى من الخناقات دي
مش معقول كده كل اسبوع في الدوري كل ماتش للاهلي او الزمالك يحصل فيه كده
ده مينفعش احنا كلنا اخوات واصحاب وكمان مصريين يعني عيب اوي الكلام ده
بعدين عيب يبقى اصغر واحد فيكم عنده 15 سنه
ولسه بتتخانقوا زي العيال اكبروا بقى وبعدين لو الموضوع هيفضل كده مش هنحط اخبار بعد الماتشات ونخلص
نهدى شويه ومش بالشكل ده

الأأأأأأأأأأأأأأأأأأأهلي نادي الكوووووووووسه

مع احترامي ليكي
بس الاهلي نادي كبيييييييير
ولو كان الاهلي نادي كوسه يبقى الزمالك
نادي بتنجان والاسماعيلي باميه وحتى انبي خيار
وهنقلب ساعتها الدوري المصري سوق خضار
نورني مرورك

تفسري ايه الهدفين السلام ميه الميه التلغوا والهدف الغلط بتعكوا

لو سألت واحد من الصومال هيقلك رشاااااااااوي

اولا فوز غييييييييييير مستحق والاهلى مش يستاهل ابداا وانا قولت الاهلى بيكسب بسبب الحكام
ومش كلامى لوحدى ده كلام الجميع اهلاويه وزملكاويه منار وياسمين ورنا واحمد وانا ولو مفيش ظلم
كان زمان انبى مخلص الماتش 4 ولا حاجه وطول عمر الاهلى ماشى بالحكام والبركه مفيش اداااء
وبعدين مش تبررو الكلام الحقيقى الاهلى طول عمره ماااشى كووووسه بلا خضار بلا فواكه
ومرسى على التوبيك

صراحه انتو شلة عيال بتتخانقوا في حاجه تافه خلصت ومش هترجع تاني
انا اسف في الكلمه بس التفاهه بردو لها ناسها
وان شاء الله هنعرف نخلص الموضوع ده باذن الله
عيااااااااااال
تم اغلاق الموضوع عشان الكلام التافه اللي فيه